atao kaun si surat hai un se milne ki
na us taraf unhen fursat na hum idhar KHali

Lala Madhav Ram Jauhar

---

---

chhoDna hai to na ilzam laga kar chhoDo
kahin mil jao to phir lutf-e-mulaqat rahe

Lala Madhav Ram Jauhar

---

---

ghairon se to fursat tumhein din raat nahin hai
han mere liye waqt-e-mulaqat nahin hai

Lala Madhav Ram Jauhar

---

---

aankh bhar aai kisi se jo mulaqat hui
KHushk mausam tha magar TuT ke barsat hui

Manzar Bhopali

---

---

doston se mulaqat ki sham hai
ye saza kaT kar apne ghar jaunga

Mazhar Imam

---

---

Thani thi dil mein ab na milenge kisi se hum
par kya karen ki ho gae na-chaar ji se hum

Momin Khan Momin

---

---

din bhi hai raat bhi hai subh bhi hai sham bhi hai
itne waqton mein koi waqt-e-mulaqat bhi hai

Mubarak Azimabadi

---

---