yaqin mohkam amal paiham mohabbat fatah-e-alam
jihad-e-zindagani mein hain ye mardon ki shamshiren

Allama Iqbal

---

---

faraghat se duniya mein har dam na baiTho
agar chahte ho faraghat ziyaada

Altaf Hussain Hali

---

---

sada ek hi ruKH nahin naw chalti
chalo tum udhar ko hawa ho jidhar ki

Altaf Hussain Hali

---

---

tir khane ki hawas hai to jigar paida kar
sarfaroshi ki tamanna hai to sar paida ka

Ameer Minai

---

---

log jis haal mein marne ki dua karte hain
main ne us haal mein jine ki qasam khai hai

Ameer Qazalbash

---

---

mere junun ka natija zarur niklega
isi siyah samundar se nur niklega

Ameer Qazalbash

---

---

ittifaq apni jagah KHush-qismati apni jagah
KHud banata hai jahan mein aadmi apni jagah

Anwar Shuoor

---

---