koi samjhe to ek baat kahun
ishq taufiq hai gunah nahin

if someone were to listen, one thing I will opine
Love is not a crime forsooth it is grace divine

Firaq Gorakhpuri

---

---

tujh ko pa kar bhi na kam ho saki be-tabi-e-dil
itna aasan tere ishq ka gham tha hi nahin

Firaq Gorakhpuri

---

---

kabhi mohabbat se baz rahne ka dhyan aae to sochta hun
ye zahr itne dinon se mere wajud mein kaise pal raha hai

Ghulam Husain Sajid

---

---

ho mohabbat ki KHabar kuchh to KHabar phir kyun ho
ye bhi ek be-KHabari hai ki KHabar rakhte hain

Ghulam Maula Qalaq

---

---

karunga kya jo mohabbat mein ho gaya nakaam
mujhe to aur koi kaam bhi nahin aata

Ghulam Mohammad Qasir

---

---

ye bhi ek rang hai shayad meri mahrumi ka
koi hans de to mohabbat ka guman hota hai

Ghulam Mohammad Qasir

---

---

nahin bachta hai bimar-e-mohabbat
suna hai hum ne 'goya' ki zabani

Goya Faqir Mohammad

---

---