ishq mein marka-e-qalb-o-nazar kya kahiye
choT lagti hai kahin dard kahin hota hai

Hafeez Banarasi

---

---

kis munh se karen un ke taghaful ki shikayat
KHud hum ko mohabbat ka sabaq yaad nahin hai

Hafeez Banarasi

---

---

jab kabhi hum ne kiya ishq pasheman hue
zindagi hai to abhi aur pasheman honge

Hafeez Hoshiarpuri

---

---

mohabbat karne wale kam na honge
teri mahfil mein lekin hum na honge

those that love you will not shrink
But I will be gone I think

Hafeez Hoshiarpuri

---

---

tamam umr tera intizar hum ne kiya
is intizar mein kis kis se pyar hum ne kiya

Hafeez Hoshiarpuri

---

---

tere jate hi ye aalam hai jaise
tujhe dekhe zamana ho gaya hai

Hafeez Hoshiarpuri

---

---

'hafiz' apni boli mohabbat ki boli
na urdu na hindi na hindostani

Hafeez Jalandhari

---

---