ilahi ek gham-e-rozgar kya kam tha
ki ishq bhej diya jaan-e-mubtala ke liye

Hafeez Jalandhari

---

---

mohabbat karo aur nibaho to puchhun
ye dushwariyan hain ki aasaniyan hain

Hafeez Jalandhari

---

---

ai sanam jis ne tujhe chand si surat di hai
usi allah ne mujh ko bhi mohabbat di hai

Haidar Ali Aatish

---

---

charcha hamara ishq ne kyun ja-ba-ja kiya
dil us ko de diya to bhala kya bura kiya

Hakim Mohammad Ajmal Khan Shaida

---

---

sine mein raaz-e-ishq chhupaya na jaega
ye aag wo hai jis ko dabaya na jaega

Hameed Jalandhari

---

---

mohabbaten to faqat intihaen mangti hain
mohabbaton mein bhala e'tidal kya karna

Hasan Abbas Raza

---

---

ye kar-e-ishq to bachchon ka khel Thahra hai
so kar-e-ishq mein koi kamal kya karna

Hasan Abbas Raza

---

---