wo shaKHs jis ko dil o jaan se baDh ke chaha tha
bichhaD gaya to ba-zahir koi malal nahin

Bashir Badr

---

---

gila bhi tujh se bahut hai magar mohabbat bhi
wo baat apni jagah hai ye baat apni jagah

Basir Sultan Kazmi

---

---

ye tasir mohabbat hai ki Tapka
hamara KHun tumhaari guftugu se

Bayan Meeruti

---

---

dil mohabbat se bhar gaya 'beKHud'
ab kisi par fida nahin hota

Bekhud Dehlvi

---

---

agar dard-e-mohabbat se na insan aashna hota
na kuchh marne ka gham hota na jine ka maza hota

Chakbast Brij Narayan

---

---

ye maza tha dil-lagi ka ki barabar aag lagti
na tujhe qarar hota na mujhe qarar hota

Dagh Dehlvi

---

---

ishq ne jis dil pe qabza kar liya
phir kahan us mein nashat o gham rahe

Dattatriya Kaifi

---

---