us ke bare mein bahut sochta hun
mujh se bichhDa to kidhar jaega

Farhat Abbas Shah

---

---

ilaj apna karaate phir rahe ho jaane kis kis se
mohabbat kar ke dekho na mohabbat kyun nahin karte

Farhat Ehsas

---

---

ahut dinon mein mohabbat ko ye hua malum
jo tere hijr mein guzri wo raat raat hui

Firaq Gorakhpuri

---

---

hum se kya ho saka mohabbat mein
KHair tum ne to bewafai ki

Firaq Gorakhpuri

---

---

ishq ab bhi hai wo mahram-e-be-gana-numa
husn yun lakh chhupe lakh numayan ho jae

Firaq Gorakhpuri

---

---

ishq phir ishq hai jis rup mein jis bhes mein ho
ishrat-e-wasl bane ya gham-e-hijran ho jae

Firaq Gorakhpuri

---

---

kisi ka yun to hua kaun umr bhar phir bhi
ye husn o ishq to dhoka hai sab magar phir bhi

Firaq Gorakhpuri

---

---