main har haal mein muskuraata rahunga
tumhaari mohabbat agar sath hogi

Bashir Badr

---

---

main jab so jaun in aankhon pe apne honT rakh dena
yaqin aa jaega palkon tale bhi dil dhaDakta hai

Bashir Badr

---

---

main ne din raat KHuda se ye dua mangi thi
koi aahaT na ho dar par mere jab tu aae

Bashir Badr

---

---

mohabbat adawat wafa be-ruKHi
kirae ke ghar the badalte rahe

Bashir Badr

---

---

mohabbat ek KHushbu hai hamesha sath chalti hai
koi insan tanhai mein bhi tanha nahin rahta

Bashir Badr

---

---

mohabbaton mein dikhawe ki dosti na mila
agar gale nahin milta to hath bhi na mila

Bashir Badr

---

---

muddat se ek laDki ke ruKHsar ki dhup nahin aai
is liye mere kamre mein itni ThanDak rahti hai

Bashir Badr

---

---