jitni wo mere haal pe karte hain jafaen
aata hai mujhe un ki mohabbat ka yaqin aur

More the cruelty from her that I receive
more in her affection for me do I believe

Arsh Malsiyani

---

---

mohabbat soz bhi hai saz bhi hai
KHamoshi bhi hai ye aawaz bhi hai

Arsh Malsiyani

---

---

suKHan ke chaak mein pinhan tumhaari chahat hai
wagarna kuza-gari ki kise zarurat hai

Arshad Abdul Hamid

---

---

jo dil rakhte hain sine mein wo kafir ho nahin sakte
mohabbat din hoti hai wafa iman hoti hai

Arzoo Lakhnavi

---

---

mohabbat nek-o-bad ko sochne de ghair-mumkin hai
baDhi jab be-KHudi phir kaun Darta hai gunahon se

Arzoo Lakhnavi

---

---

mohabbat wahin tak hai sachchi mohabbat
jahan tak koi ahd-o-paiman nahin hai

Arzoo Lakhnavi

---

---

wafa tum se karenge dukh sahenge naz uThaenge
jise aata hai dil dena use har kaam aata hai

Arzoo Lakhnavi

---

---