hum ne awwal se paDhi hai ye kitab aaKHir tak
hum se puchhe koi hoti hai mohabbat kaisi

Altaf Hussain Hali

---

---

ishq sunte the jise hum wo yahi hai shayad
KHud-baKHud dil mein hai ek shaKHs samaya jata

Altaf Hussain Hali

---

---

tum ko hazar sharm sahi mujh ko lakh zabt
ulfat wo raaz hai ki chhupaya na jaega

Altaf Hussain Hali

---

---

Tapke jo ashk walwale shadab ho gae
kitne ajib ishq ke aadab ho gae

Altaf Mashhadi

---

---

abhi aae abhi jate ho jaldi kya hai dam le lo
na chhoDunga main jaisi chahe tum mujh se qasam le lo

Ameer Minai

---

---

hans ke farmate hain wo dekh ke haalat meri
kyun tum aasan samajhte the mohabbat meri

seeing my condition, she laughs and asks of me
"Easy did you then imagine, loving me would be?"

Ameer Minai

---

---

mang lun tujh se tujhi ko ki sabhi kuchh mil jae
sau sawalon se yahi ek sawal achchha hai

Ameer Minai

---

---