dekhne ke liye sara aalam bhi kam
chahne ke liye ek chehra bahut

Asad Badayuni

---

---

ishq se log mana karte hain
jaise kuchh iKHtiyar hai apna

Asar Lakhnavi

---

---

husn ko sharmsar karna hi
ishq ka intiqam hota hai

Asrar-ul-Haq Majaz

---

---

ishq ka zauq-e-nazara muft mein badnam hai
husn KHud be-tab hai jalwa dikhane ke liye

love is needlessly defamed that for vision it is keen
beauty is impatient too for its splendour to be seen

Asrar-ul-Haq Majaz

---

---

ye mere ishq ki majburiyan maaz-allah
tumhaara raaz tumhin se chhupa raha hun main

Asrar-ul-Haq Majaz

---

---

'athar' tum ne ishq kiya kuchh tum bhi kaho kya haal hua
koi naya ehsas mila ya sab jaisa ahwal hua

Athar Nafees

---

---

hamare ishq mein ruswa hue tum
magar hum to tamasha ho gae hain

Athar Nafees

---

---