ye mohabbat ki kahani nahin marti lekin
log kirdar nibhate hue mar jate hain

Abbas Tabish

---

---

log kahte hain ki tum se hi mohabbat hai mujhe
tum jo kahte ho ki wahshat hai to wahshat hogi

Abdul Hamid Adam

---

---

pahle baDi raghbat thi tere nam se mujh ko
ab sun ke tera nam main kuchh soch raha hun

Abdul Hamid Adam

---

---

tujhe kuchh ishq o ulfat ke siwa bhi yaad hai ai dil
sunae ja raha hai ek hi afsana barson se

Abdul Majeed Salik

---

---

ishq ki saf manin namazi sab
'abru' ko imam karte hain

Abroo Shah Mubarak

---

---

ishq ke mazmun the jin mein wo risale kya hue
ai kitab-e-zindagi tere hawale kya hue

Abu Mohammad Sahar

---

---

'sahar' ab hoga mera zikr bhi raushan-dimaghon mein
mohabbat nam ki ek rasm-e-beja chhoD di main ne

Abu Mohammad Sahar

---

---