uThae phirta raha main bahut mohabbat ko
phir ek din yunhi socha ye kya musibat hai

Anjum Saleemi

---

---

un se hum lau lagae baiThe hain
aag dil mein dabae baiThe hain

Anwar Dehlvi

---

---

main jo roya un ki aankhon mein bhi aansu aa gae
husn ki fitrat mein shamil hai mohabbat ka mizaj

Anwar Sabri

---

---

is talluq mein nahin mumkin talaq
ye mohabbat hai koi shadi nahin

Anwar Shuoor

---

---

ishq to har shaKHs karta hai 'shuur'
tum ne apna haal ye kya kar liya

Anwar Shuoor

---

---

sirf us ke honT kaghaz par bana deta hun main
KHud bana leti hai honTon par hansi apni jagah

Anwar Shuoor

---

---

zamane ke jhamelon se mujhe kya
meri jaan! main tumhaara aadmi hun

Anwar Shuoor

---

---