jab safina mauj se Takra gaya
naKHuda ko bhi KHuda yaad aa gaya

Fana Nizami Kanpuri

---

---

kashti-e-e'tibar toD ke dekh
ki KHuda bhi hai na-KHuda hi nahin

Fani Badayuni

---

---

ya-rab teri rahmat se mayus nahin 'fani'
lekin teri rahmat ki taKHir ko kya kahiye

Fani Badayuni

---

---

ai KHuda meri ragon mein dauD ja
shaKH-e-dil par ek hari patti nikal

Farhat Ehsas

---

---

tamam paikar-e-badsurti hai mard ki zat
mujhe yaqin hai KHuda mard ho nahin sakta

Farhat Ehsas

---

---

tu KHuda hai to baja mujh ko Daraata kyun hai
ja mubarak ho tujhe tere karam ka saya

Farooq Nazki

---

---

fitrat mein aadmi ki hai mubham sa ek KHauf
us KHauf ka kisi ne KHuda nam rakh diya

Gopal Mittal

---

---