sanam-parasti karun tark kyunkar ai waiz
buton ka zikr KHuda ki kitab mein dekha

Aagha Akbarabadi

---

---

chhoDa nahin KHudi ko dauDe KHuda ke pichhe
aasan ko chhoD bande mushkil ko DhunDte hain

Abdul Hamid Adam

---

---

zaban-e-hosh se ye kufr sarzad ho nahin sakta
main kaise bin piye le lun KHuda ka nam ai saqi

Abdul Hamid Adam

---

---

wo so raha hai KHuda dur aasmanon mein
farishte loriyan gate hain us ke kanon mein

Abdur Rahim Nashtar

---

---

sukh mein hota hai hafiza bekar
dukh mein allah yaad aata hai

Afsar Merathi

---

---

KHud ko to 'nadim' aazmaya
ab mar ke KHuda ko aazmaun

Ahmad Nadeem Qasmi

---

---

mere KHuda ne kiya tha mujhe asir-e-bahisht
mere gunah ne rihai mujhe dilai hai

Ahmad Nadeem Qasmi

---

---