kisu se dil nahin milta hai ya rab
hua tha kis ghaDi un se juda main

Mir Taqi Mir

---

---

nami si thi dam-e-ruKHsat kuchh un ke aanchal par
wo ashk the ki pasina main sochta hi raha

Mirza Mahmood Sarhadi

---

---

uryan hararat-e-tap-e-furqat se main raha
har bar mere jism ki poshak jal gai

Mirza Raza Barq

---

---

us se milne ki KHushi baad mein dukh deti hai
jashn ke baad ka sannaTa bahut khalta hai

Moin Shadab

---

---

thi wasl mein bhi fikr-e-judai tamam shab
wo aae to bhi nind na aai tamam sha

Momin Khan Momin

---

---

ab judai ke safar ko mere aasan karo
tum mujhe KHwab mein aa kar na pareshan karo

Munawwar Rana

---

---

zindagi nam hai judai ka
aap aae to mujh ko yaad aaya

I was reminded when you came
that life and parting are the same

Naresh Kumar Shad

---

---