mahsus ho raha hai ki main KHud safar mein hun
jis din se rail par main tujhe chhoDne gaya

Kaif Ahmed Siddiqui

---

---

as ek KHauf tha zinda teri judai ka
mera wo aaKHiri dushman bhi aaj mara gaya

KHalid Malik u0027Sahilu0027

---

---

nahin ab koi KHwab aisa teri surat jo dikhlae
bichhaD kar tujh se kis manzil par hum tanha chale aae

Khalilur Rahman Azmi

---

---

Tuk KHabar le ki har ghaDi hum ko
ab judai bahut satati hai

Khwaja Meer u0027Dardu0027

---

---

ki tark-e-mohabbat to liya dard-e-jigar mol
parhez se dil aur bhi bimar paDa hai

Lala Madhav Ram Jauhar

---

---

tumhein KHayal nahin kis tarah bataen tumhein
ki sans chalti hai lekin udas chalti hai

Mahboob Khizan

---

---

daulat-e-gham bhi KHas-o-KHak-e-zaman mein gai
tum gae ho to mah o sal kahan Thahre hain

Mahmood Ayaz

---

---