mere mazar pe aa kar diye jalaega
wo mere baad meri zindagi mein aaega

Anjum Khayali

---

---

kis ne aabaad kiya hai mari virani ko
ishq ne? ishq to bimar paDa hai mujh mein

Anjum Saleemi

---

---

uThae phirta raha main bahut mohabbat ko
phir ek din yunhi socha ye kya musibat hai

Anjum Saleemi

---

---

un se hum lau lagae baiThe hain
aag dil mein dabae baiThe hain

Anwar Dehlvi

---

---

is talluq mein nahin mumkin talaq
ye mohabbat hai koi shadi nahin

Anwar Shuoor

---

---

ishq to har shaKHs karta hai 'shuur'
tum ne apna haal ye kya kar liya

Anwar Shuoor

---

---

sirf us ke honT kaghaz par bana deta hun main
KHud bana leti hai honTon par hansi apni jagah

Anwar Shuoor

---

---