'athar' tum ne ishq kiya kuchh tum bhi kaho kya haal hua
koi naya ehsas mila ya sab jaisa ahwal hua

Athar Nafees

---

---

hamare ishq mein ruswa hue tum
magar hum to tamasha ho gae hain

Athar Nafees

---

---

ek shakl hamein phir bhai hai ek surat dil mein samai hai
hum aaj bahut sarshaar sahi par agla moD judai hai

Athar Nafees

---

---

husn aur ishq hain donon kafir
donon mein ek jhagDa sa hai

Azeem Qureshi

---

---

kabhi qarib kabhi dur ho ke rote hain
mohabbaton ke bhi mausam ajib hote hain

Azhar Inayati

---

---

mohabbat lafz to sada sa hai lekin 'aziz' is ko
mata-e-dil samajhte the mata-e-dil samajhte hain

Aziz Warsi

---

---

na jaane kaun si manzil pe ishq aa pahuncha
dua bhi kaam na aae koi dawa na lage

Aziz-ur-Rahman Shaheed Fatehpuri

---

---