wo jangalon mein daraKHton pe kudte phirna
bura bahut tha magar aaj se to behtar tha

Mohammad Alvi

---

---

girja mein mandiron mein azanon mein baT gaya
hote hi subh aadmi KHanon mein baT gaya

Nida Fazli

---

---

har aadmi mein hote hain das bis aadmi
jis ko bhi dekhna ho kai bar dekhna

Nida Fazli

---

---

koi hindu koi muslim koi isai hai
sab ne insan na banne ki qasam khai hai

Nida Fazli

---

---

us ke dushman hain bahut aadmi achchha hoga
wo bhi meri hi tarah shahr mein tanha hoga

Nida Fazli

---

---

na to main hur ka maftun na pari ka aashiq
KHak ke putle ka hai KHak ka putla aashiq

Peer Sher Mohammad Ajiz

---

---

hiD tanhaiyon ka mela hai
aadmi aadmi akela hai

Saba Akbarabadi

---

---