asti mein apni hindu musalman jo bas gae
insan ki shakl dekhne ko hum taras gae

Kaifi Azmi

---

---

kya tere shahr ke insan hain patthar ki tarah
koi naghma koi payal koi jhankar nahin

Kamil Bahzadi

---

---

ahut hain sajda-gahen par dar-e-jaanan nahin milta
hazaron dewta hain har taraf insan nahin milta

Khalid Hasan Qadiri

---

---

phul kar le nibah kanTon se
aadmi hi na aadmi se mile

Khumar Barabankavi

---

---

ghaib ka aisa parinda hai zamin par insan
aasmanon ko jo shah-par pe uThae hue hai

Khursheed Akbar

---

---

up rang milta hai KHadd-o-KHal milte hain
aadmi nahin milta aadmi ke paikar mein

Khushbir Singh Shaad

---

---

is daur mein insan ka chehra nahin milta
kab se main naqabon ki tahen khol raha hun

Moghisuddin Fareedi

---

---