gharon pe nam the namon ke sath ohde the
bahut talash kiya koi aadmi na mila

Bashir Badr

---

---

isi liye to yahan ab bhi ajnabi hun main
tamam log farishte hain aadmi hun main

Bashir Badr

---

---

ai shaiKH aadmi ke bhi darje hain muKHtalif
insan hain zarur magar wajibi se aap

Bekhud Dehlvi

---

---

farishta hai to taqaddus tujhe mubarak ho
hum aadmi hain to aib-o-hunar bhi rakhte hain

Dil Ayubi

---

---

dewtaon ka KHuda se hoga kaam
aadmi ko aadmi darkar hai

Firaq Gorakhpuri

---

---

insan ki bulandi o pasti ko dekh kar
insan kahan khaDa hai hamein sochna paDa

Habeeb Hyderabadi

---

---

aadmi ka aadmi har haal mein hamdard ho
ek tawajjoh chahiye insan ko insan ki taraf

Hafeez Jaunpuri

---

---