mujhe to KHair watan chhoD kar aman na mili
watan bhi mujh se gharib-ul-watan ko tarsega

Nasir Kazmi

---

---

abhi to ek watan chhoD kar hi nikle hain
hanuz dekhni baqi hain hijraten kya kya

Saba Akbarabadi

---

---

kuchh be-Thikana karti rahin hijraten mudam
kuchh meri wahshaton ne mujhe dar-ba-dar kiya

Sabir Zafar

---

---

mujhe bhi lamha-e-hijrat ne kar diya taqsim
nigah ghar ki taraf hai qadam safar ki taraf

Shehpar Rasool

---

---