phir nai hijrat koi darpesh hai
KHwab mein ghar dekhna achchha nahin

Abdullah Javed

---

---

Dhang ke ek Thikane ke liye
ghar-ka-ghar naql-e-makani mein raha

Abrar Ahmad

---

---

ye hijraten hain zamin o zaman se aage ki
jo ja chuka hai use lauT kar nahin aana

Aftab Iqbal Shamim

---

---

pani mein aks aur kisi aasman ka hai
ye naw kaun si hai ye dariya kahan ka hai

Ahmad Mushtaq

---

---

main kya jaanun gharon ka haal kya hai
main sari zindagi bahar raha hun

Ameer Qazalbash

---

---

talash-e-rizq ka ye marhala ajab hai ki hum
gharon se dur bhi ghar ke liye base hue hain

Arif Imam

---

---

dard-e-hijrat ke satae hue logon ko kahin
saya-e-dar bhi nazar aae to ghar lagta hai

Bakhsh Layalpuri

---

---