KHirad DhunDhti rah gai wajah-e-gham
maza gham ka dard aashna le gaya

Kalidas Gupta Raza

---

---

gham hai na ab KHushi hai na ummid hai na yas
sab se najat pae zamane guzar gae

Khumar Barabankavi

---

---

daulat-e-gham bhi KHas-o-KHak-e-zaman mein gai
tum gae ho to mah o sal kahan Thahre hain

Mahmood Ayaz

---

---

un ka gham un ka tasawwur un ki yaad
kaT rahi hai zindagi aaram se

Mahshar Inayati

---

---

ab kargah-e-dahr mein lagta hai bahut dil
ai dost kahin ye bhi tera gham to nahin hai

Majrooh Sultanpuri

---

---

gham mein kuchh gham ka mashghala kije
dard ki dard se dawa kije

Manzar Lakhnavi

---

---

hum ko kis ke gham ne mara ye kahani phir sahi
kis ne toDa dil hamara ye kahani phir sahi

Masroor Anwar

---

---