gham-e-duniya bhi gham-e-yar mein shamil kar lo
nashsha baDhta hai sharaben jo sharabon mein milen

let love's longing with the ache of existence compound
when spirits intermingle the euphoria is profound

Ahmad Faraz

---

---

mujhe KHabar nahin gham kya hai aur KHushi kya hai
ye zindagi ki hai surat to zindagi kya hai

Ahsan Marahravi

---

---

dil daba jata hai kitna aaj gham ke bar se
kaisi tanhai Tapakti hai dar o diwar se

Akbar Hyderabadi

---

---

gham azizon ka hasinon ki judai dekhi
dekhen dikhlae abhi gardish-e-dauran kya kya

Akhtar Shirani

---

---

zindagi kitni masarrat se guzarti ya rab
aish ki tarah agar gham bhi gawara hota

Akhtar Shirani

---

---

hamein duniya mein apne gham se matlab
zamane ki KHushi se wasta kya

Aleem Akhtar

---

---

wo talluq hai tere gham se ki allah allah
hum ko hasil ho KHushi bhi to gawara na karen

Aleem Akhtar

---

---