aur bhi dukh hain zamane mein mohabbat ke siwa
rahaten aur bhi hain wasl ki rahat ke siwa

sorrows other than love's longing does this life provide
comforts other than a lover's union too abide

Faiz Ahmad Faiz

---

---

chaman pe ghaarat-e-gul-chin se jaane kya guzri
qafas se aaj saba be-qarar guzri hai

Faiz Ahmad Faiz

---

---

donon jahan teri mohabbat mein haar ke
wo ja raha hai koi shab-e-gham guzar ke

Faiz Ahmad Faiz

---

---

gulon mein rang bhare baad-e-nau-bahaar chale
chale bhi aao ki gulshan ka karobar chale

Faiz Ahmad Faiz

---

---

kar raha tha gham-e-jahan ka hisab
aaj tum yaad be-hisab aae

Faiz Ahmad Faiz

---

---

maqam 'faiz' koi rah mein jacha hi nahin
jo ku-e-yar se nikle to su-e-dar chale

Faiz Ahmad Faiz

---

---

uTh kar to aa gae hain teri bazm se magar
kuchh dil hi jaanta hai ki kis dil se aae hain

Faiz Ahmad Faiz

---

---