kis KHarabi se zindagi 'fani'
is jahan-e-KHarab mein guzri

Fani Badayuni

---

---

is tamashe ka sabab warna kahan baqi hai
ab bhi kuchh log hain zinda ki jahan baqi hai

Faryad Aazar

---

---

ek KHwab-o-KHayal hai duniya
e'tibar-e-nazar ko kya kahiye

Figar Unnavi

---

---

mazhab ki KHarabi hai na aKHlaq ki pasti
duniya ke masaib ka sabab aur hi kuchh hai

Firaq Gorakhpuri

---

---

duniya to chahti hai yunhi fasle rahen
duniya ke mashwaron pe na ja us gali mein chal

Habib Jalib

---

---

kuchh is ke sanwar jaane ki tadbir nahin hai
duniya hai teri zulf-e-girah-gir nahin hai

Hafeez Banarasi

---

---

duniya bas is se aur ziyaada nahin hai kuchh
kuchh roz hain guzarne aur kuchh guzar gae

Hakim Mohammad Ajmal Khan Shaida

---

---