ghar ke bahar DhunDhta rahta hun duniya
ghar ke andar duniya-dari rahti hai

Rahat Indori

---

---

hamein KHabar hai zan-e-fahisha hai ye duniya
so hum bhi sath ise be-nikah rakhte hain

Sahba Akhtar

---

---

dekha hai zindagi ko kuchh itne qarib se
chehre tamam lagne lage hain ajib se

Sahir Ludhianvi

---

---

duniya ne tajrabaat o hawadis ki shakl mein
jo kuchh mujhe diya hai wo lauTa raha hun main

Sahir Ludhianvi

---

---

jis ki hawas ke waste duniya hui aziz
wapas hue to us ki mohabbat KHafa mili

Saqi Faruqi

---

---

tamannaon mein uljhaya gaya hun
khilaune de ke bahlaya gaya hun

Shad Azimabadi

---

---

chale to panw ke niche kuchal gai koi shai
nashe ki jhonk mein dekha nahin ki duniya hai

Shahab Jafri

---

---