abhi zinda hai man meri mujhe kuchh bhi nahin hoga
main ghar se jab nikalta hun dua bhi sath chalti hai

Munawwar Rana

---

---

jab bhi kashti meri sailab mein aa jati hai
man dua karti hui KHwab mein aa jati hai

Munawwar Rana

---

---

dushman-e-jaan hi sahi dost samajhta hun use
bad-dua jis ki mujhe ban ke dua lagti hai

Murtaza Birlas

---

---

is liye chal na saka koi bhi KHanjar mujh par
meri shah-rag pe meri man ki dua rakkhi thi

Nazeer Baaqri

---

---

dua karo ki main us ke liye dua ho jaun
wo ek shaKHs jo dil ko dua sa lagta hai

Obaidullah Aleem

---

---

zamin ko ai KHuda wo zalzala de
nishan tak sarhadon ke jo miTa de

Parveen Kumar Ashk

---

---

na chaaragar ki zarurat na kuchh dawa ki hai
dua ko hath uThao ki gham ki raat kaTe

Rajinder Krishan

---

---