wo baDa rahim o karim hai mujhe ye sifat bhi ata kare
tujhe bhulne ki dua karun to meri dua mein asar na ho

Bashir Badr

---

---

dene wale tujhe dena hai to itna de de
ki mujhe shikwa-e-kotahi-e-daman ho jae

Bedam Shah Warsi

---

---

hazar bar jo manga karo to kya hasil
dua wahi hai jo dil se kabhi nikalti hai

Dagh Dehlvi

---

---

kaun deta hai mohabbat ko parastish ka maqam
tum ye insaf se socho to dua do hum ko

Ehsan Danish

---

---

adhure lafz the aawaz ghair-wazeh thi
dua ko phir bhi nahin der kuchh asar mein lagi

Fatima Hasan

---

---

mere liye na ruk sake to kya hua
jahan kahin Thahar gae ho KHush raho

Fazil Jamili

---

---

mujhe zindagi ki dua dene wale
hansi aa rahi hai teri sadgi pa

Gopal Mittal

---

---