kahin se maut ko lao ki gham ki raat kaTe
mera hi sog manao ki gham ki raat kaTe
kare na pichha mera zindagi ko samjha do
ye rah us ko bhulao ki gham ki raat kaTe
kaho bahaaron se ab shaKH-e-dil na hogi hari
KHizan ke git sunao ki gham ki raat kaTe
na chaara-gar ki zarurat na kuchh dawa ki hai
dua ko hath uThao ki gham ki raat kaTe
Ghazal
Kahin se maut ko lao ki gham ki raat kaTe
Rajinder Krishan