dost ne dil ko toD ke naqsh-e-wafa miTa diya
samjhe the hum jise KHalil kaba usi ne Dha diya

Arzoo Lakhnavi

---

---

ahut chhoTe hain mujh se mere dushman
jo mera dost hai mujh se baDa hai

Athar Nafees

---

---

ahbab bhi ghairon ki ada sikh gae hain
aate hain magar dil ko dukhane nahin aate

Bashir Badr

---

---

dushmani jam kar karo lekin ye gunjaish rahe
jab kabhi hum dost ho jaen to sharminda na hon

bear enmity with all your might, but this we should decide
if ever we be friends again, we are not mortified

Bashir Badr

---

---

na udas ho na malal kar kisi baat ka na KHayal kar
kai sal baad mile hain hum tere nam aaj ki sham hai

Bashir Badr

---

---

ab wo titli hai na wo umr taaqub wali
main na kahta tha bahut dur na jaana mere dost

Faisal Ajmi

---

---

tartib de raha tha main fahrist-e-dushmanan
yaron ne itni baat pe KHanjar uTha liya

Fana Nizami Kanpuri

---

---