sham bhi thi dhuan dhuan husn bhi tha udas udas
dil ko kai kahaniyan yaad si aa ke rah gain

Firaq Gorakhpuri

---

---

tujh ko pa kar bhi na kam ho saki be-tabi-e-dil
itna aasan tere ishq ka gham tha hi nahin

Firaq Gorakhpuri

---

---

dil ne tamanna ki thi jis ki barson tak
aise zaKHm ko achchha kar ke baiTh gae

Ghulam Murtaza Rahi

---

---

dil par dastak dene kaun aa nikla hai
kis ki aahaT sunta hun virane mein

Gulzar

---

---

zaKHm kahte hain dil ka gahna hai
dard dil ka libas hota hai

Gulzar

---

---

sabr ai dil ki ye haalat nahin dekhi jati
Thahr ai dard ki ab zabt ka yara na raha

Habeeb Ashar Dehlavi

---

---

dil liya hai to KHuda ke liye kah do sahab
muskuraate ho tumhin par mera shak jata hai

Habeeb Musvi

---

---