mujhe phunkne se pahle mera dil nikal lena
ye kisi ki hai amanat mere sath jal na jae

please remove my heart before i am consigned to flames
As it belongs to someone else it should not burn with me

Anwar Mirzapuri

---

---

jagti aankh se jo KHwab tha dekha 'anwar'
us ki tabir mujhe dil ke jalane se mili

Anwar Sadeed

---

---

dil ko malum hai kya baat batani hai use
us se kya baat chhupani hai zaban jaanti hai

Arshad Abdul Hamid

---

---

ada se dekh lo jata rahe gila dil ka
bas ek nigah pe Thahra hai faisla dil ka

Arshad Ali Khan Qalaq

---

---

dil ki zid is liye rakh li thi ki aa jae qarar
kal ye kuchh aur kahega mujhe malum na tha

Arzoo Lakhnavi

---

---

jo dil rakhte hain sine mein wo kafir ho nahin sakte
mohabbat din hoti hai wafa iman hoti hai

Arzoo Lakhnavi

---

---

hai ajab si kashmakash dil mein 'asar'
kis ko bhulen kis ko rakkhen yaad hum

Asar Akbarabadi

---

---