dil mohabbat se bhar gaya 'beKHud'
ab kisi par fida nahin hota

Bekhud Dehlvi

---

---

dil to lete ho magar ye bhi rahe yaad tumhein
jo hamara na hua kab wo tumhaara hoga

Bekhud Dehlvi

---

---

mujh ko na dil pasand na wo bewafa pasand
donon hain KHud-gharaz mujhe donon hain na-pasand

Bekhud Dehlvi

---

---

tumhaari yaad mera dil ye donon chalte purze hain
jo in mein se koi miTta mujhe pahle miTa jata

Bekhud Dehlvi

---

---

anhoni kuchh zarur hui dil ke sath aaj
nadan tha magar ye diwana kabhi na tha

Bilqis Zafirul Hasan

---

---

ek ishq ka gham aafat aur us pe ye dil aafat
ya gham na diya hota ya dil na diya hota

Chiragh Hasan Hasrat

---

---

Darta hun dekh kar dil-e-be-arzu ko main
sunsan ghar ye kyun na ho mehman to gaya

I'm fearful when I see this heart so hopeless and forlorn
why shouldn't this home be desolate, as the guest has gone

Dagh Dehlvi

---

---