didar ki talab ke tariqon se be-KHabar
didar ki talab hai to pahle nigah mang

ignorant of mores when seeking visions bright
if you want the vision, you first need the sight

Azad Ansari

---

---

hasil us mah-laqa ki did nahin
id hai aur hum ko id nahin

Bekhud Badayuni

---

---

kahte hain id hai aaj apni bhi id hoti
hum ko agar mayassar jaanan ki did hoti

Ghulam Bhik Nairang

---

---

ab aur der na kar hashr barpa karne mein
meri nazar tere didar ko tarasti hai

Ghulam Murtaza Rahi

---

---

kuchh nazar aata nahin us ke tasawwur ke siwa
hasrat-e-didar ne aankhon ko andha kar diya

save visions of her, nothing comes to mind
the longing for her sight surely turned me blind

Haidar Ali Aatish

---

---

TuTen wo sar jis mein teri zulf ka sauda nahin
phuTen wo aankhen ki jin ko did ka lapka nahin

Haqeer

---

---

jo aur kuchh ho teri did ke siwa manzur
to mujh pe KHwahish-e-jannat haram ho jae

Hasrat Mohani

---

---