teri pahli did ke sath hi wo fusun bhi tha
tujhe dekh kar tujhe dekhna mujhe aa gaya

Iqbal Kausar

---

---

aaina kabhi qabil-e-didar na howe
gar KHak ke sath us ko sarokar na howe

Ishq Aurangabadi

---

---

dekha nahin wo chand sa chehra kai din se
tarik nazar aati hai duniya kai din se

Junaid Hazin Lari

---

---

aankh uTha kar use dekhun hun to nazron mein mujhe
yun jatata hai ki kya tujh ko nahin Dar mera

Jurat Qalandar Bakhsh

---

---

'dard' ke milne se ai yar bura kyun mana
us ko kuchh aur siwa did ke manzur na tha

Khwaja Meer u0027Dardu0027

---

---

dekhna hasrat-e-didar ise kahte hain
phir gaya munh teri jaanib dam-e-murdan apna

Khwaja Mohammad Vazeer Lakhnavi

---

---

ghair ko sharbat-e-didar mubarak tera
ab to pani bhi piyega na tere ghar ka koi

Lala Madhav Ram Jauhar

---

---