dua ko hat uThate hue larazta hun
kabhi dua nahin mangi thi man ke hote hue

Iftikhar Arif

---

---

jawan gehun ke kheton ko dekh kar ro den
wo laDkiyan ki jinhen bhul baiThin maen bhi

Kishwar Naheed

---

---

show-case mein rakkha hua aurat ka jo but hai
gunga hi sahi phir bhi dil-awez bahut hai

Krishn Adeeb

---

---

ye auraton mein tawaif to DhunD leti hain
tawaifon mein inhen aurten nahin miltin

Meena Naqvi

---

---

chalti phirti hui aaankhon se azan dekhi hai
main ne jannat to nahin dekhi hai man dekhi hai

Munawwar Rana

---

---

ghar mein rahte hue ghairon ki tarah hoti hain
laDkiyan dhan ke paudon ki tarah hoti hain

Munawwar Rana

---

---

kal apne-ap ko dekha tha man ki aankhon mein
ye aaina hamein buDha nahin batata hai

Munawwar Rana

---

---