jis ko tum kahte ho KHush-baKHt sada hai mazlum
jina har daur mein aurat ka KHata hai logo

Raziya Faseeh Ahmad

---

---

aurat ne janam diya mardon ko mardon ne use bazar diya
jab ji chaha masla kuchla jab ji chaha dhutkar diya

Sahir Ludhianvi

---

---

int-e-hawwa hun main ye mera jurm hai
aur phir shaeri to kaDa jurm hai

Sarwat Zehra

---

---

aurat ho tum to tum pe munasib hai chup raho
ye bol KHandan ki izzat pe harf hai

Sayyada Arshia Haq

---

---

tum bhi aaKHir ho mard kya jaano
ek aurat ka dard kya jaano

Sayyada Arshia Haq

---

---

dekh kar shair ne us ko nukta-e-hikmat kaha
aur be-soche zamane ne use aurat kaha

Shaad Aarfi

---

---

abhi raushan hua jata hai rasta
wo dekho ek aurat aa rahi hai

Shakeel Jamali

---

---