tamam paikar-e-badsurti hai mard ki zat
mujhe yaqin hai KHuda mard ho nahin sakta

Farhat Ehsas

---

---

aurat hun magar surat-e-kohsar khaDi hun
ek sach ke tahaffuz ke liye sab se laDi hun

Farhat Zahid

---

---

zamane ab tere madd-e-muqabil
koi kamzor si aurat nahin hai

Fariha Naqvi

---

---

achchhi-KHasi ruswai ka sabab hoti hai
dusri aurat pahli jaisi kab hoti hai

Fay Seen Ejaz

---

---

tu aag mein ai aurat zinda bhi jali barson
sanche mein har ek gham ke chup-chap Dhali barson

Habib Jalib

---

---

kaun badan se aage dekhe aurat ko
sab ki aankhen girwi hain is nagri mein

Hamida Shahin

---

---

eTiyan bap ki aankhon mein chhupe KHwab ko pahchanti hain
aur koi dusra is KHwab ko paDh le to bura manti hain

Iftikhar Arif

---

---