ataun kya tujhe ai ham-nashin kis se mohabbat hai
main jis duniya mein rahta hun wo is duniya ki aurat hai

Asrar-ul-Haq Majaz

---

---

tere mathe pe ye aanchal to bahut hi KHub hai lekin
tu is aanchal se ek parcham bana leti to achchha tha

Asrar-ul-Haq Majaz

---

---

hai kaamyabi-e-mardan mein hath aurat ka
magar tu ek hi aurat pe inhisar na ka

Aziz Faisal

---

---

ek aurat se wafa karne ka ye tohfa mila
jaane kitni auraton ki bad-duaen sath hain

Bashir Badr

---

---

KHud pe ye zulm gawara nahin hoga hum se
hum to shoalon se na guzrenge na sita samjhen

Bilqis Zafirul Hasan

---

---

aurten kaam pe nikli thin badan ghar rakh kar
jism KHali jo nazar aae to mard aa baiThe

Farhat Ehsas

---

---

qissa-e-adam mein ek aur hi wahdat paida kar li hai
main ne apne andar apni aurat paida kar li hai

Farhat Ehsas

---

---