aarzu wasl ki rakhti hai pareshan kya kya
kya bataun ki mere dil mein hai arman kya kya
Akhtar Shirani
gham-e-zamana ne majbur kar diya warna
ye aarzu thi ki bas teri aarzu karte
Akhtar Shirani
ek wo ki aarzuon pe jite hain umr bhar
ek hum ki hain abhi se pashiman-e-arzu!
Akhtar Shirani
numud-e-rang-o-bu ne mar Dala
usi ki aarzu ne mar Dala
Ameen Hazin
aad marne ke bhi chhoDi na rifaqat meri
meri turbat se lagi baiThi hai hasrat meri
even after death my love did not forsake
at my grave my desires kept a steady wake
Ameer Minai
yar pahlu mein hai tanhai hai kah do nikle
aaj kyun dil mein chhupi baiThi hai hasrat meri
my love beside me, solitude, tell them to play a part
why do my desires cower hidden in my heart
Ameer Minai
kabhi mauj-e-KHwab mein kho gaya kabhi thak ke ret pe so gaya
yunhi umr sari guzar di faqat aarzu-e-visal mein
Asad Badayuni