main aur us ghuncha-dahan ki aarzu
aarzu ki sadgi thi main na tha

Abdul Hamid Adam

---

---

muddaa dur tak gaya lekin
aarzu lauT kar nahin aai

Abdul Hamid Adam

---

---

takmil-e-arzu se bhi hota hai gham kabhi
aisi dua na mang jise bad-dua kahen

Abu Mohammad Sahar

---

---

sab KHwahishen puri hon 'faraaz' aisa nahin hai
jaise kai ashaar mukammal nahin hote

Ahmad Faraz

---

---

wo jo raat mujh ko baDe adab se salam kar ke chala gaya
use kya KHabar mere dil mein bhi kabhi aarzu-e-gunah thi

Ahmad Mushtaq

---

---

kya wo KHwahish ki jise dil bhi samajhta ho haqir
aarzu wo hai jo sine mein rahe naz ke sath

Akbar Allahabadi

---

---

ang o bu mein Dube rahte the hawas
hae kya shai thi bahaar-e-arzu

Akhtar Ansari

---

---