numud-e-rang-o-bu ne mar Dala
usi ki aarzu ne mar Dala
na duniya hi ka rakkha aur na din ka
dil-e-madhosh tu ne mar Dala
takallum ka fusun allahu-akbar
kisi ki guftugu ne mar Dala
na rudad-e-hubab-e-zindagi puchh
KHiram-e-ab-ju ne mar Dala
KHuda waiz se samjhe hashr ke din
hamein us be-wazu ne mar Dala
zamane ke 'amin' munh kaun aata
KHayal-e-abru ne mar Dala
Ghazal
Numud-e-rang-o-bu ne mar Dala
Ameen Hazin