kuchh is tarah se yaad aate rahe ho
ki ab bhul jaane ko ji chahta hai

Akhtar Shirani

---

---

kuchh to tanhai ki raaton mein sahaara hota
tum na hote na sahi zikr tumhaara hota

Akhtar Shirani

---

---

kucha-e-husn chhuTa to hue ruswa-e-sharab
apni qismat mein jo likkhi thi wo KHwari na gai

Akhtar Shirani

---

---

laundry kholi thi us ke ishq mein
par wo kapDe hum se dhulwata nahin

Akhtar Shirani

---

---

mana ki sab ke samne milne se hai hijab
lekin wo KHwab mein bhi na aaen to kya karen

Akhtar Shirani

---

---

miT chale meri umidon ki tarah harf magar
aaj tak tere KHaton se teri KHushbu na gai

Akhtar Shirani

---

---

mohabbat ke iqrar se sharm kab tak
kabhi samna ho to majbur kar dun

Akhtar Shirani

---

---