in wafadari ke wadon ko ilahi kya hua
wo wafaen karne wale bewafa kyun ho gae

Akhtar Shirani

---

---

inhi gham ki ghaTaon se KHushi ka chand niklega
andheri raat ke parde mein din ki raushni bhi hai

Akhtar Shirani

---

---

ishq ko naghma-e-ummid suna de aa kar
dil ki soi hui qismat ko jaga de aa ka

Akhtar Shirani

---

---

kaam aa sakin na apni wafaen to kya karen
us bewafa ko bhul na jaen to kya karen

Akhtar Shirani

---

---

KHafa hain phir bhi aa kar chheD jate hain tasawwur mein
hamare haal par kuchh mehrbani ab bhi hoti hai

Akhtar Shirani

---

---

kisi maghrur ke aage hamara sar nahin jhukta
faqiri mein bhi 'aKHtar' ghairat-e-shahana rakhte hain

Akhtar Shirani

---

---

kiya hai aane ka wada to us ne
mere parwardigar aae na aae

Akhtar Shirani

---

---