din raat mai-kade mein guzarti thi zindagi
'aKHtar' wo be-KHudi ke zamane kidhar gae

Akhtar Shirani

---

---

gham azizon ka hasinon ki judai dekhi
dekhen dikhlae abhi gardish-e-dauran kya kya

Akhtar Shirani

---

---

gham-e-aqibat hai na fikr-e-zamana
piye ja rahe hain jiye ja rahe hain

Akhtar Shirani

---

---

gham-e-zamana ne majbur kar diya warna
ye aarzu thi ki bas teri aarzu karte

Akhtar Shirani

---

---

hai qayamat tere shabab ka rang
rang badlega phir zamane ka

Akhtar Shirani

---

---

ek din ki baat ho to use bhul jaen hum
nazil hon dil pe roz balaen to kya karen

Akhtar Shirani

---

---

ek wo ki aarzuon pe jite hain umr bhar
ek hum ki hain abhi se pashiman-e-arzu!

Akhtar Shirani

---

---