nigahen muntazir hain kis ki dil ko justuju kya hai
mujhe KHud bhi nahin malum meri aarzu kya hai

Akhtar Saeed Khan

---

---

tu kahani hi ke parde mein bhali lagti hai
zindagi teri haqiqat nahin dekhi jati

Akhtar Saeed Khan

---

---

ye basti is qadar sunsan kab thi
dil-e-shorida thak kar so gaya kya

Akhtar Saeed Khan

---

---

ye be-sabab nahin aae hain aankh mein aansu
KHushi ka lamha koi yaad aa gaya hoga

Akhtar Saeed Khan

---

---

ye dasht wo hai jahan rasta nahin milta
abhi se lauT chalo ghar abhi ujala hai

Akhtar Saeed Khan

---

---

zamana ishq ke maron ko mat kya dega
dilon ke khel mein ye jit haar kuchh bhi nahin

Akhtar Saeed Khan

---

---

zindagi chhin le baKHshi hui daulat apni
tu ne KHwabon ke siwa mujh ko diya bhi kya hai

Akhtar Saeed Khan

---

---