zindagi kya hue wo apne zamane wale
yaad aate hain bahut dil ko dukhane wale

Akhtar Saeed Khan

---

---

jab tishnagi baDhi to masiha na tha koi
jab pyas bujh gai to samundar mila mujhe

Akhtar Saeedi

---

---

kabhi KHayal ki surat kabhi saba ki tarah
wo kaun hai jo mere sath sath chalta hai

Akhtar Saeedi

---

---

mujhe hasil kamal-e-guftugu hai
ye main hun ya mere lahje mein tu hai

Akhtar Saeedi

---

---

awan-dawan hai zindagi charagh ke baghair bhi
hai mere ghar mein raushni charagh ke baghair bhi

Akhtar Saeedi

---

---

yahi ek mashghala hai zindagi ka
taaqub kar raha hun raushni ka

Akhtar Saeedi

---

---

zaKHm-e-nigah zaKHm-e-hunar zaKHm-e-dil ke baad
ek aur zaKHm tujh se bichhaD kar mila mujhe

Akhtar Saeedi

---

---